Myrto Uzuni ishte një nga autorët e golave në fitoren e Kombëtares shqiptare. Sulmuesi gjeti rrugën e rrjetës në minutat shtesë të sfidës, ku kuqezinjtë triumfuan 3-0 ndaj Andorras.
Mjaft i lumtur dhe i gëzuar për golin e fitoren ishte Uzuni. Beratasi theksoi se ishte një fitore mjaft e rëndësishme dhe se golin kishte kohë që e priste.
“Ka qenë një fitore shumë e rëndësishme pasi të gjithë e dimë që kundërshtari nuk është Anglia, pasi i dimë kualitet e tyre, por edhe tonat. Të gjithë e dimë që ndeshja jonë për të fituar ishte kundër Andorrës, dhamë maksimumin, jam shumë i lumtur për 3 pikët dhe vazhdojmë përpara.
Problemi i vetëm është që kur ti je më i mirë në letër, duhet ta demonstrosh në lojë, besoj që çunat sot hynë shumë mirë në fushën e lojës, pa bërë diferenca që Andorra është një ekip më i vogël dhe mendoj që ky ishte çelësi i suksesit.
Të them të drejtën jam shumë i lumtur për golin pasi ka shumë kohë që e prisja, falenderoj të gjithë tifozët për mbështetjen e madhe që më kanë dhënë deri tani dhe mendoj se besimi rikthehet te unë dhe të shënoj sa më shumë gola siç bëja dhe me klubin”, ka deklaruar beratasi.
Lexo gjithashtu
