E ardhmja e Armando Brojës është ende e paqartë. Sulmuesi i Kombëtares shqiptare nuk dihet ende nëse do të vazhdojë të jetë pjesë e Chelsea-t, apo do të nisë një aventurë të re.
Ofertat për 22 vjeçarin nuk mungojnë qoftë nga Premier League apo jashtë Anglisë. Megjithatë, është klubi nga Liverpool-i, Everton që ka interes serioz për sulmuesin shqiptar.
Everton po pret që të shesë sulmuesin aktual, Dominic Calvert-Lewin. Nga shitja e këtij të fundit, klubi nga Liverpool pret që të fitojë rreth 30 milionë euro. Me këtë shumë, Everton kërkon të bindë Chelsea-n për të lënë të lirë Armando Brojën.
Në krahun tjetër, ky i fundit nuk e hedh poshtë mundësinë e transferimit te Everton. Shqiptari kërkon një ekip ku mund të ketë minuta dhe skuadra e Everton është e duhura për të plotësuar kërkesat e Brojës.
Lexo gjithashtu
