Sergio Porrini ka folur së fundmi për Kristjan Asllanin. Krahu i djahtë i Edoardo Reja te Kombëtarja shqiptare, ka thënë se nuk është enuziazmuar nga rrugëtimi që mesfushori i Interit ka bërë deri më tani. Porrini thotë se Asllani ka nevojë për një ekip ku të ndihet i rëndësishëm.
“Duhet të jem i sinqertë dhe të them se për ato që janë aftësitë që kam parë te ai në atë kohë, rrugëtimi i tij deri këtu nuk më ka entuziazmuar. Çfarë do t’i këshilloja? Nëse nuk do të arrinte të afirmohej në të vërtetë te Interi, do ta këshilloja që të shkonte të luante si protagonist në ndonjë skuadër tjetër.
Pasi është e bukur që të luash në klubet e mëdha dhe të fitosh trofe, por mendoj se në një moment një lojtar dëshiron edhe të ndjehet me të vërtetë i rëndësishëm. Te Interi nuk ka qenë e thjeshtë për të, për shkak të të gjithë presioneve që ka atje dhe faktit që duhet të zëvendësojë një si Calhanoglu, i cili është një ndër më të mirët në botë në rolin e tij”, ka thënë Porrini.
Lexo gjithashtu
