Asambleja e Përgjithshme Zgjedhore e Federatës Shqiptare të Futbollit vendosi sot edhe për 10 anëtarët e Komitetit Ekzekutiv. Anila Basha ishte e para që u rizgjodh, pasi mori 47 vota pro dhe vetëm një votues abstenoi, ndërsa ishte edhe e vetmja femër.
Pas votimeve u zgjodhën Armand Cungu, Blendi Fevziu, Edmond Hasanbelli, Erind Resuli, Geri Çipi, Lufti Nuriu, Envi Hicka, Gjergji Petro dhe Pano Xhixho. Ndërkohë nuk ia doli Ervin Canollari, i cili mbeti jashtë Komitetit Ekzekutiv.
Siç dihet për anëtarë të Komitetit Ekzekutiv të FSHF ishin propozuar 13 emra kandidatësh: Abdyl Kuriu, Anila Basha, Arben Dervishaj, Armando Cungu, Blendi Fevziu, Edmond Hasanbelli, Envi Hicka, Erind Resuli, Ervin Canollari, Geri Çipi, Gjergji Petro, Lutfi Nuriu dhe Pano Xhixho, ku Kuriu dhe Dervishaj u tërhoqen nga gara.
