Shqipëria nuk ka shkuar më shumë se 1 pikë ndaj Çekisë. Kombëtarja u ndal në një 0-0 dhe tani përqendrohet në sfidën e fundit të Nations League me Ukrainën.
Në intervistën pas ndeshjes ka folur trajneri i Kombëtares, Sylvinho.
“Është një skuadër shumë e vështirë. Luajnë me shumë intensitet. Janë shumë fizik. E ritheksoj është një grup shumë i ekuilibruar. Luajnë me topa të gjatë dhe kur krijojmë hapësira ata na gjejnë 4 me 4. Çekia është një ekip shumë, shumë i vështirë. Nuk jam i kënaqur me pjesën e parë.
Kemi vuajtur shumë në Pragë. Nuk jemi një skuadër aq fizike si ata që luajnë me presion shumë të lartë. Duhet të punojmë shumë të fitojmë.
Tuci ka bërë një ndeshje të shkëlqyer. Kemi bërë zgjedhje me Tucin pasi luan mirë brenda dhe na jep centimetra prej gjatësisë. Uzuni është sulmues shumë i mirë, po me karakteristika të tjera. Çekia është shumë lartë fizikisht dhe janë të gjatë. Kjo na vështirëson punën.
Nuk mund të jap një notë se sa e mendoj nga 1 te 10 që marrim kreun. Është grup i ekuilibruar. Gjithçka e hapur dhe gjithçka mund të ndodhi. Duhet të jemi të përgatitur për ndeshjen e fundit. Gjeorgjia dhe Ukraina barazuan sonte. Të gjithë janë të ngjeshur me pikët. Teknikisht, vetëm Ukraina nuk mund të marrë vendin e parë.”, u shpreh tekniku Sylvinho.
Lexo gjithashtu
