Ditën e diel u zhvillua një organizim madhështor në kryeqytetin shqiptar, Maratona e Tiranës. Bashkia mori masat e nevojshme për mbarëvajtjen e eventeve të tilla dhe bllokoi akset që do të aksesoheshin nga atletët.
Në Tirana Marathon 2024, shkëlqeu “ylli” i Atletikës Shqiptare Luiza Gega. Sportistja e KS Tiranës mori vendin e parë duke krenuar të gjithë shqiptarët fal aftësive të saj fizike. Luiza zuri vendin e parë nëpërmjet kohës së vendosur prej 2 minutash dhe 34 sekondash. Ky ritëm “ka thyer” rekordin kombëtar të Shqipërisë. Gega ështëmësuar të na bëjë krenar gjithnjë në evente ndërkombëtare apo turne zhvilluar në vendin tonë. Ajo ka fituar Europiane jashtë shtetit, si uotdoor edhe në evenimente indoor, ka marrë medalje ballkanike, rajonale e mesdhetare si dhe ka përfaqësuar Kombin në Olimpiada si kjo e fundit në Paris.
Vrapuesja fitoi garën 42 km, ndërkohë morën pjesë në total 4000 atletë nga 50 vende të globit. Klubi Sportiv I Tiranës ka shprehur falenderimet e saj për të gjithë sportistët e klubit pjesëmarrës e në veçanti për vajzën “e artë”, Luizën që është pjesë e klubit shumësportësh të kryeqytetit.
Deklarata e plotë e Klubi Shumësportësh Tirana:
Tirana Marathon 2024
U zhvillua të Dielën maratona e Tiranës një aktivitet i kthyer në traditë tashmë për qytetin tonë që ditën e djeshme shkëlqeu me një atmosferë fantastike me plot 4000 Atletë nga 50 vende të ndryshme të botes që garuan në disiplinat 10K, 21K, dhe 42K.
Luiza Gega shkëlqeu sërish duke fituar vendin e parë në 42 Km duke arritur një kohë me rekord kombëtar 02:34:06, ashtu si çdo vit sportisët bardh e blu të KS Tiranës në të gjitha disiplinat garuan në garat e 10K dhe 21K.
Lexo gjithashtu
