Mourinjo është prezantuar ditën e sotme te skuadra e Manchester United. Portugezi menjëherë ka deklaruar që në këtë ekip ka ardhur për të fituar gjithçka.
"Synimi im? Të fitoj gjithçka, kaq. Ka trajnerë që nuk fitojnë tituj prej dhjetë vitesh, ndërsa të tjerë nuk kanë fituar kurrë. Unë për herë të fundit fitova para një viti prandaj nuk ndjej presion. Nëse duhet të tregoj unë ndonjë gjë, imagjinoni të tjerët".
Mourinjo foli edhe për paraardhësin e tij Van Gal.
"Nuk kam qenë kurrë i zoti me fjalë dhe filozofi. Unë jetoj për të fituar, jo thjesht për të marrë pjesë në garë. Loja e mirë? Do të vijë vetë, nuk mund të fitojmë pa lojë të bukur".
Mourinho shpjegon edhe synimet që ka me skuadrën e Manchester.
"Fillimisht kisha objektiv katër lojtarë, tre prej të cilëve i kemi marrë, ndërsa i katërti do të jetë një mesfushor me tipare mbrojtëse. Sapo të bëjmë edhe blerjen e katërt do të jemi më të qetë, sepse tregu është i hapur deri në fund të gushtit".
Lexo gjithashtu
