Përpara sfidës së nesërme kundër Eintracht Frankfurt, trajneri i Napolit, Luciano Spalleti foli në konferencën për shtyp. Tekniku u shpreh i qetë në prag sfide por duke e vlerësuar kundërshtarin.
“Pres nga lojtarët e mi ta interpretojnë mirë lojën”, shprehet Spalleti. “Ata kanë më shumë përvojë se ne. Do të luajmë pa menduar diferencën që kemi krijuar në ligë.
Në çfarë faze jeni në zbërthimin e dhuratave të Krishtlindjes? Trajneri i Frankfurt tha se ka një sulm antiitalian. Duhet t’i jap qumësht drerëve, sepse është një natë feste për mua. Pastaj të shohim nëse mund t’i hapim dhuratat apo jo. Antiitaliani është një klishe. Nganjëherë skuadrat që luajnë në Europë bëjnë një zgjedhje kur vendosin t’i lëshojnë fushën kundërshtarit, me skuadra që kanë aftësinë për luajtur shpejt si Eintracht që dijnë të sulmojnë kundërshtarin por edhe të rikthehen në mbrojtje me 20-25 metra. Është shumë e vështirë në Europë, të luash lojën në gjysmën tjetër të fushës.
Rezultatet? Nuk kam besim tek pyetjet e tua, sepse në fillim të kampionatit the ndoshta nuk do të futemi në Champions, tani po më thua të kundërtën. E dimë që kemi potencial si kundërshtari ynë. Glasner e tha mirë se Napoli është një ekip i fortë dhe ata kanë mundësi që të kalojnë. Është 50 me 50.
Kvara dhe Osimhen konsiderohen si kampionët e së ardhmes por si e jetojnë mendërisht këtë moment? Osimhen di t’i vlerësojë shumë mirë gjërat. Këta dy tipa janë nga ata që kanë vërtet dhuntinë, imagjinatën, cilësinë për të dërguar sinjale në botën e futbollit. Në të njëjtën kohë ata janë dy djem shumë të rinj.
Cilësia që doni nesër? Kjo varet pak nga karakteristikat e lojtarëve, secili ka të vetat. Nuk mund t’i kërkosh Kvaratskhelia të njëjtat gjëra si Di Lorenzo. Duhet disponueshmëria e sulmuesve për të ndjekur kundërshtarët. Duhet përpjekje për të marrë ndeshjen në dorë, për të luajtur lojën, për ta bërë atë të qarkullojë, të përpiqemi të shënojmë gola dhe kontrollojmë lojën.
Lexo gjithashtu
