Skuadrat “big” ditën e sotme do të zbresin në fushën e lojës për të zhvilluar mes tyre takimet e javës së 20-të të Serie A, teksa pritet të dhuroë spektakël.
Gjithçka do të nisë me duelin mes Milan dhe Sassuolos në orën 13:00. Kuqezinjtë e Stefano Piolit do të kërkojnë të reagojnë ndaj paraqitjeve aspak pozitive të siguruara javët e fundit, ku ndjeshëm kanë humbur terren ndaj Napolit kryesues. Nga krahu tjetër Sassuolo që afër zonës së ftohtë do të synojë 3 pikët që janë mëse të rëndësishme për ta.
Në orën 15:00 do të jetë radha e Juventusit për t’u përballur me Monzën. “Zonja e Vjetër” e shikon veten tashmë në vendin e 11-të pas dënimin me -15 pikë për shkak të falsifikimeve financiare, ndërsa do të synojnë të rikthehen te fitorja në kampionat që mungon prej dy javësh. Monza ka vetëm 1 pikë më pak se bardhezinjtë dhe kjo është dueli për t’i kaluar ata në renditje dhe 3 pikët janë shumë të rëndësishme.
Një përballje interesante do të jetë ajo mes Lazios dhe Fiorentinës që do të nisë në orën 18:00. Skuadra e Elseid Hysajt kërkon të luftojë deri në fund për një vend në zonën Champions, ndërsa ekipi vjollcë kërko fitorne pas 2 humbjeve radhaz në kampionat.
Siparin e ditës së sotme do ta mbyllë dueli mes Napolit dhe Romës në orën 20:45. Kryesuesit e Spallettit nuk duna hapa fals dhe mbrëmjen e sotme kërkojnë edhe “kokën” e Jose Mourinhos, teksa nga krahu tjetër verdhekuqtë duan zonën Champions.
