Partizani do luajë ndaj Skënderbeut ditën e hënë, në orën 19:00. Sfidë interesante që pritet me mjaft interes nga tifozët e të dyja skaudrave për vetë objektivat që kanë të dyja klubet. Nga njëra anë Skënderbeu kërkon të mbyllë sa më shpejt çështjen me titullin, ndërsa Partizani nga ana tjetër kërkon të mos lëshojë "pe" për sigurimin e një vendi në Kupat e Europës.
Ndërkohë që do dhe pak ditë që skuadrat të përballen në takimin e javës së 30-të të kampionatit, në të dyja kampet po zhvillohet përgatitjet e fundit.
Partizani dje ka zhvilluar seancën e radhës stërvitore, ku u pa se në dispozicion të trajnerit, Klevis Dalipi ishte dhe Egzon Belica i cili ka lënë pas dëmtimin në qafë dhe është rikthyer pas mungesës në takimin me Kukësin. Gjithashtu, në dispozicion të Dalipit është rikthyer edhe Ibrahimi i cili ka lënë pas pezullimin.
Edhe pse në kampin e kuq situata paraqitet pozitive, duket se Dalipi nuk e ka një ide të qartë për titullarët, por në asnjë moment nuk po neglizhon këtë sfidë pasi nuk kërkon të rrezikojë vendin e tretë në renditje ndaj dhe nga kjo përballje kërkohet me çdo çmim fitorja e tri pikëve.
Lexo gjithashtu
