Loan Laporta vazhdon të akuzohet se ka korruptuar gjyqtarët, ndërsa dalin të tjera prova për skandalin që është përfshirë Barcelona.
Një letër nga avokati i ish-arbitrit Negreira është dokumenti i fundit që del në pah për këtë çështje. Negreira në atë kohë ishte zëvendës-president i Komisionit të Arbitrave Spanjollë dhe në letër tregohej se ka kërkuar rreth 300 mijë euro.
Sipas “Mundo Deportivo”, Jose Maria Enriquez Negreira, ish-zëvendës president i gjyqtarëve spanjollë, ishte në borderonë e Barcelonës që nga viti 2003 (ndoshta që nga 2001) përmes “Dasmil 95”, kompanisë që tij që ofronte shërbime konsulence për arbitrat në aktivitet. Klubi katalanas ka derdhur në arkat e tij një shumë totale që i kalon 7 milionë euro.
Në letrën e parë pasi Barcelona vendosi që të ndërpresë bashkëpunimin me “Dasmil 95”, Negreira (aspak i kënaqur nga kjo gjë) kërcënonte se do të publikonte bashkëpunimin e tyre shumë vjeçar.
Ndërsa në letrën e dytë, që është shkruar para të parës, “Dasnil 95” kërkon thuajse 300 mijë euro për periudhën qershor-dhjetor 2018, periudhë në të cilën Barca vendosi që të ndërpresë bashkëpunimin me Negreira. Emrat e Laporta, Rosell dhe Bartomeu përmenden për herë të parë në këtë letër.
Lexo gjithashtu
