Federata Shqiptare e Volejbollit ka dalë me një deklaratë për mediet, ku ka bërë me dije se ka mbyllur gjitha aktivitetet për moshat. Komiteti Ekzekutiv i FSHV-së ka vendosur t’i vërë “kapakun” gjithë aktiviteteve për shkak të situatës së krijuar nga COVID-19.
FSHV sqaron se kampionatet U-21 djem, U-20 vajza, U-19 djem, U-18 vajza dhe U-16 vajza do të ndalen në mes, për të mos rrezikuar jetën e lojtarëve, trajnerëve, gjyqtarëve dhe sportdashësve. Këto kampionate do të mbyllen pa shpallur një ekip kampion për sezonin 2029-2020.
Ndërsa kampionatet U-14 dhe U-15 për djem e vajza nuk do të zhvillohen fare. Tanimë pritet të shihet se çdo të ndodhë me kampionatet e të rriturve, teksa Federata synon t’i rikthejë në parket.
