Zvicra do të përballet me Serbinë ditën e nesërme duke nisur që nga ora 20:00. Te Zvicra luajnë edhe lojtarët shqiptarë, Granit Xhaka dhe Xherdan Shaqiri dhe sfida ndaj serbve ka amrrë një vëmendjen të madhe, pasi shqiponja e bërë nga dy futbollistët shqiptarë në Rusi 2028 ka “tërbuar” të gjithë.
Për këtë teme që është më e komentuara ditët e fundit ka folur edhe ish-kapiteni i Zvicrës, Stephan Lichtsteiner, i cili nuk e cilëson gabim festimin me shqiponjë, pasi edhe vet ishte përfshirë në bërjen e simbolit të shqiponjës me duar.
“Katër vite më parë, Graniti dhe Xherdani kaluan shumë fatkeqësi para dhe gjatë lojës. Nga pikëpamja njerëzore ishte e kuptueshme që ata lanë të rrëmbeheshin nga shqiponja dykrenare. Gjithmonë kam treguar solidaritet me bashkëlojtarët e mi dhe nuk jam treguar kapiten vetëm në momente të mira. Është pjesë e sportit dhe pjesë e miqësisë brenda një ekipi.
Ne ishim në disavantazh 1-0 në pjesën e parë, të gjithë në dhomat e zhveshjes ishin të pakënaqur dhe kishte shumë trazira. Kur arritëm t’i kthenim gjërat, ishte tepër emocionale, edhe nga pikëpamja sportive. Atmosfera e ndezur në tribuna më pas bëri pjesën tjetër. Në retrospektivë, mund të ketë qenë e tepërt, por sot e kësaj dite nuk do ta quaja gabim”, përfundoi ish-kapiteni i Zvicrës për “Blick”.
Lexo gjithashtu
