Shqipëria do të luajë ndeshjen e dytë të National League ndaj Lituanisë në "Air Albania". Para takimit ka folur një nga organizatorët e FSHF-së, Lysien Nyrishmi për "RTSH Sport". Në fjalën e tij ai zbuloi mënyrë sesi është organizuar ky takim dhe rregullat strikte që UEFA ka për këto ndeshje.
"Nuk është një gjë normale të luash pa tifozë, është një gjë e re dhe është gjithçka e organizuar nga UEFA. Zyrtarët e UEFA-s janë të pranishëm prej dy ditësh dhe janë të kënaqur me masat që ne kemi marrë e të gjitha kushtet që ne kemi I përmbushur.
Perimetri i fushës është zonë gjelbër, pankina dhe dhomat e zhveshjes quhet zonë e kuqe dhe lejohen vetëm personat që kanë kryer testet për Covid-19. Deri më tani asnjë person nga stafi dhe lojtarë të kombëtares nuk ka rezultuar pozitiv e të gjithë janë gati për këtë ndeshje", u shpreh Nurmishi.
Lexo gjithashtu
