Interi do të presë në orën 20:45 skuadrën e Atalantës, sfidë që do të luhet në “Giuseppe Meazza” dhe është shumë i rëndësishëm për të dyja ekipet që duan një vend në zonën Champions.
Skuadra e Kristjan Asllanin në fakt është vetëm 1 pikë larg sigurimit matematikisht të vendit të 4-të, ndërsa Berat Gjimshitit do t’i duheshin dy fitore për të tentuar të mbyllë sezonin në top-4.
Pikërisht mbrojtësi i kombëtares ka folur për këtë duel, teksa thekson se Interi është skuadra e momentit në Itali, por të tijtë do të luftojnë fort për 3 pikët.
“Do të besojmë te kualifikimi në Champions League derisa të ketë pikë në lojë. Pasi të përfundojë kampionati mund të kemi pishmane pasi kemi shpërdoruar shumë mundësi. Por, kjo mund të përkthehet në një shtysë për ndeshjen ndaj Inter dhe në rast se nuk fitojmë në shtëpinë e tyre atëherë shpresat do të ishin minimale.
Do të na linte një shije të hidhur, por më pas do të shohim nëse do të luajmë në Ligën e Konferencës apo Ligën e Evropës. Interi për momentin është skuadra më në formë e kampionatit”, përfundoi mbrojtësi i kombëtares.
Lexo gjithashtu
