Sfida e djeshme mes Kukësit dhe Flamurtarit nuk u kontestua nga vlonjatët dhe nga vetë trajneri Shpëtim Duro vetëm për rezultatin, por dhe për dëmin që gjyqtari kryesor, Elision Hamiti i ka bërë skuadrës vlonjate me kartonat që ka akorduar në këtë takim, sipas trajnerit.
Edhe pse është një sfidë mjaft delikate, Duro nuk do të ketë ndaj Skënderbeut mesfushorin Sidibe sepse është larguar me të kuq nga Hamiti ditën e djeshme.
Kjo nuk do të jetë mungesa e vetme për vlonjatët, pasi mësohet se numrin e kartonave e ka plotësuar dhe një tjetër lojtar, bëhet fjalë për Siljanovskin.
Në këto kushte, Duro duhet të bëjë mirë llogaritë dhe të vendosë për zëvendësuesit për të mos pësuar një tjetër disfatë ndaj korçarëve, të cilët janë të etur për fitore dhe duan patjetër tre pikë për të "mbyllur" çështjen e kampionatit.
Lexo gjithashtu
