Vllaznia, ashtu sit ë gjitha skuadrat shqiptare, mësoi sot skuadrën kundërshtare në raundin e parë kualifikues në Conference League. Shorti u tregua “dashamirës” me shkodranët të cilët do të përballen me një skuadër më të lehtë në letër, Landfield të Irlandës së Veriut.
Trajneri Migen Memelli dha një prononcim të shkurtër në konferencën për shtyp nga klubi ku vlerëson kundërshtarit por sipas tij, primare është konsolidimi i skuadrës.
“Po tashmë e dimë emrin e kundërshtarit, është Linfield i Irlandës së Veriut. Një kundërshtar që ne e vlerësojmë shumë. Po mundohemi të marrim informacione rreth tij dhe pjesa tjetër pastaj është plotësimi i grupit tonë me lojtarët e duhur.
Futbolli po tregon që nuk ka skuadra të mëdha dhe të vogla. Ne e vlerësojme kundërshtarin dhe do të kërkojmë të jemi sa më serioze dhe sa më kompetitivë në këtë kompeticion. Sot nuk është se ndryshon shume futbolli i ndeshjeve në transfertë me atë në shtëpi. E rëndësishme është që të bëjmë mirë në të dyja ndeshjet.
Objektivi? Kundërshtari është shumë mirë fizikisht dhe objektivi jonë për momentin është të forcojmë skuadrën. Të shohim se çfarë do të marrim nga tre miqësoret, konsolidimin e skuadrës dhe pastaj të bëhemi gati për ndeshjen e parë në Irlandën e Veriut”, deklaroi Memelli.
Lexo gjithashtu
