Anxhelo Suta është drejtori i ri sportiv i Shkumbinit. Është vetë trajneri i njohur që ka bërë me dije se ka marrë këtë post në klubin peqinas.
Në postimin e bërë në “Facebook”-un e tij, Suta shkruante: “Nga sot e tutje nis rrugëtimin në një post të ri dhe gjithashtu në ekip të ri. Po ju shkruaj këto fjalë si Drejtori Sportiv i ekipit të Shkumbinit.
Faleminderit presidentit Ali Kasa që më besoi mua këtë rol të rëndësishëm në skuadër. Që nga ky moment nis rrugëtimi për të rikthyer KF Shkumbinin në Kategorinë e Parë bashkë me stafin do të rikthejmë Shkumbinin sa më shpejt atje ku i takon. Me respekt Drejtori Sportiv i KF Shkumbinit, Anxhelo Suta”.
Kujtojmë që Suta ka drejtuar skuadra si Devolli, Elbasani, Luzi dhe Gramshi. Tashmë është bërë drejtor sportiv në klubin e Shkumbinit që militon në Kategorinë e Dytë.
Lexo gjithashtu
