Pak prej jush mund ta kujtojnë por Royston Drenthe ishtë një nga lojtarët më premtues të futbollit holandez. Performancat me Feyenoord i mundësuan hapin gjigant te Real Madrid në vitin 2007 por me madrilenët luajti 47 ndeshje për e më pas filloi rënia.
Ai luajti te Everton, Hercules, Reading dhe disa skuadra të tjera angleze dhe evropiane, hap pas hapi, deri u zhduk nga harta e madhe e futbollit, për t’u rikthyer sërish në fokusin e publikut. Drenthe është tani 35 vjeç dhe në mediat holandeze është bërë e ditur se ai ka nisur punën në shëndetësi.
“E gjithë familja ime ishte në kujdesin shëndetësor. Tezja Helen është infermiere, nëna ime kujdestare dhe disa vite më parë mendova: Pse të mos ndjek edhe unë mësimet dhe të shoh se si ia dal atje?
Nuk ishin vetëm ide dhe kurse. Kohët e fundit Drenthe është punësuar në departamentin e personave me demencë dhe tha se puna në shëndetësi e bën atë një person më të mirë.
“Unë shoh një anë krejtësisht të ndryshme të botës. Puna më ndihmon të bëhem një person më i mirë në këtë shoqëri. Unë jam mësuar gjithmonë me magjepsjen e futbollit, por kjo më pasuroi si person. Kjo është ajo që kërkoja. Kam luftuar shumë në fund të karrierës sime futbollistike. Fakti që ti e di se çfarë dëshiron të bësh, por në momentin që fillon ta bësh, pyet veten nëse është me të vërtetë ajo që të pëlqen”, shtoi holandezi.
Drenthe nuk e ka braktisur plotësisht futbollin. Ai iu bashkua klubit amator holandez Kozakken Boys. Në sezonin e ardhshëm ai do të luajë për këtë klub.
Lexo gjithashtu
