Antoine Griezmann ndez edhe më shumë zërat e merkatos në lidhje me të ardhmen e tij pas një artikulli të publikuar dje nga “L’Equipe” për një plan sekret të Realit për të.
Fracezi shënoi golin e barazimit në sfidën e “Santiago Bernabeut”, por shumë shpejt ai mund të festojë me fanellën “Los Blancos”.
Në një intervistë dhënë për mediat spanjolle, ai e lë të hapur mundësinë për një transferim të mundshëm te Reali i Madridit. “Nuk përjashtoj asnjë mundësi edhe pse momentalisht jam shumë i lumtur te Atletico.
Nuk mund të them po ose jo sepse do ta fusja veten në telashe. Në futboll nuk i dihet asnjëherë çfarë do të ndodhë dhe nuk e di nëse është i mundur një transferim nga Atletico tek Real Madrid. Një gjë të tillë e kanë bërë vetëm pak lojtarë në të shkuarën”, u shpreh Griezmann.
Kujtojmë që prej kohësh United ka shfaqur interes për të, por me këtë deklaratë duket se Mourinho tashmë duhet të kërkojë ndonjë sulmues tjetër.
Lexo gjithashtu
