Luftëtari duket se i ka bërë të gjitha planet, qoftë në hyrje qoftë në dalje dhe duket se gjithçka po ecën shumë mirë ashtu sikurse ecuria e gjirokastritëve në kampionat. U mendua se largimi Bregut dhe Abazajt do të ishte një disfatë, por jo.
Luftëtari është në pritje në konkretizimit të marrëveshjes me një qendërmbrojtës nga Senegali, i cili njihet nga të gjithë për vlerat e tij. Ai është Xhekson Mendi, 31-vjeç. Ai ka qenë më parë pjesë e disa klubeve të njohura, si Fraiburgu në Bunfesligën gjermane dhe disa klube të tjera në Greqi.
Së fundmi ai senegalezi ka qenë pjesë e Levadhiakosit nga e cila ka shkëputur marrëveshjen kontratuale. Qendërmbrojtësi pritet t'i bashkohet Luftëtarit këto ditë në Antalia, ku prej ditës së shtunë kanë nisur përgatitjet për fazën përgatitore.
Lexo gjithashtu
