Në Nyon të Zvicrës u hodh shorti për çerekfinalen e Champions League, ku goglat rezervuan një “finale” të parakohshme mes Manchester Cityt dhe Bayern Munich. Një sfidë “titanësh” mes dy ekipeve që duhet të bëjnë llogaritë mes tyre për një biletë në gjysmëfinalen e këtij kompëticioni.
Në lidhje me përballjen me skuadrën angleze ka folur edhe drejtori sportiv i bavarezve, Hasan Salihamidzic, cili mezi pret të përballet me “Qytetarët”.
"Më pëlqen të luaj kundër skuadrave të mira. Lojtarët tanë janë shumë të përqendruar. Është një ndeshje e nivelit të lartë. Janë një kundërshtar i vështirë, më i forti për mendimin tim. Është një tjetër finale, pas Parisit.
Ata fituan shumë bindshëm kundër Leipzig. Do të shohim përsëri Pep Guardiolën. Mezi pres të jem atje. Haaland është një nga sulmuesit më të mirë në botë. Por ne jemi mbrojtur shumë mirë kundër Parisit. Por unë Mendoj se City po ecën mirë për momentin. Mendoj se City vs Bayern është ndeshja më emocionuese në çerekfinale. Besoj se do të luajmë më mirë kundër skuadrave më të mira. Këto janë momentet kryesore të sezonit për tifozët", ka deklaruar Salihamidzic.
Lexo gjithashtu
