Kanë nisur bisedimet mes Marotës dhe Rumeniges për kalimin e mbrojtësit Mehdi Benatia nga Bajerni i Mynihut te Juventusi. Italianët duan ta shesin përfundimisht lojtarin, i cili duket se e ka ndarë mendjen për të luajtur në Serinë A me fanellën bardhezi. Dhe për këtë është gati të sakrifikojë jo pak nga rroga e tij, por 1.2 milionë euro. Nga 4.2 milionë euro që merr te Bajerni, ai pranon të marrë 3 milionë euro te Juventusi. Kontaktet janë dhe dëshira është pozitive nga të gjitha palët. Benatia është lojtari i duhur për të zëvendësuar Martin Kaseresin. Juventusi po punon me variantin “low cost”, ose më mirë për huazimin e lojtarit, por gjermanët duan shitjen e mbrojtësit. Në këtë rast vlen shumë vullneti i lojtarit, që e ka marrë tashmë vendimin.
Lexo gjithashtu
