Sfida e nesërme midis Luftëtarit dhe Teutës ka një rëndësi të veçantë për mbrojtësin durrsak të Luftëtarit Rustem Hoxha, i cili kthehet në Gjirokastër për herë të tretë. Edhe pse luan kundër ekipit ku hodhi hapat e para të karrierës, Hoxha nuk bën tolerim për çështje zemrash ndaj "Djemve të Detit", por kërkon vetëm fitoren e parë për Luftëtarin për këtë sezon. Në një prononcim për "Supersport", ish-futbollisti i Kukësit shprehet optimist për ringjalljen e Luftëtarit pasi ekziston grupi i duhur dhe klima e favorshme në klubin gjirokastrit për të nisur rrugëtimin e mbarë. Kukësi është një kapitull i mbyllur për të.
"Normalisht që është një përballje e veçantë, ndaj qytetim tim, ndaj ish-ekipit tim. Të kthehemi te fitorja. Pas kësaj ndeshjeje i uroj vetëm fat Teutës. Luftëtari? Është një grup shumë i mirë, ambjent është i qetë që nga presidenca, tifozët. Ka ngrohtësi. Por shpresoj që gjendja të kthehet për mirë. Kam besim se ekipi është lojtarët janë. Shpresoj të përsërim dy vitet e fundit. Largimi nga Kukësi? Ishte një zgjedhje dypalëshe", shprehet qendërmbrojtësi Hoxha.
Lexo gjithashtu
