Ilir Daja është kryefjala e mbrëmjes së sotme në çdo media sportive. Trajneri kryeqytetas ia doli të marrë një fitore të rëndësishme kundër Sivasporit me Ballkanin, ndeshje e vlefshme për fazën e grupeve në Conference League.
Suksesi i ekipit kosovar është i jashtëzakonshëm. Tashmë janë kandidatë për të kaluar grupin duke bërë që asgjë mos të jetë më një ëndërr. Menjëherë pas suksesit të Ballkanit, rrjeti ka shpërthyer në komente.
Të gjithë njëzëri e "çojnë" trajnerin e njohur në krye të Kombëtares. Edy Reja është në skadencë kontrate e në këto kushte të gjithë duan kryeqytetasin te kuqezinjtë. Paradoksi më i madh është se para disa ditësh, Daja rinovoi me Ballkanin për 2 vitet e ardhshme.
Megjithatë një ftesë për të drejtuar Kombëtaren padyshim që mund të tundonte trajnerin kryeqytetas, jo për anën financiare, por prestigjin dhe emocionin që mund të dhurojë posti i "timonierit" të Kombëtares.
[gallery columns="1" size="full" ids="661561,661562"]
Lexo gjithashtu
