Mosha për të duket se është thjesht një numër. Hamdi Salihi vijon të mos ndalet para porte, teksa ka shënuar sërish në Austri. Te skuadra e Vjener Nojshdat ai po shkëlqen dhe në një intervistë për "Zona Gol", ai ka treguar çelësin e suksesit që po kalon edhe pse numëron plot 34 vite mbi supe.
"E kam ndjekur thuajse çdo fundjavë kampionatin dhe është e vërtetë që ka mungesë golash, krahasuar me vitet e kaluara. Nuk mungojnë vetëm ata që finalizojnë, por edhe lojtarët kreativë. Lojtari me më tepër asist është në nivelet pesë apo gjashtë, shifër e cila është mjaft e ulët. Çështja është disi më e gjërë dhe nuk mund të kufizohet vetëm te sulmuesit", tha fillimisht ai.
I pyetur më pas se pse ka zgjedhur të qëndrojë në kryeqytetin austriak, Salihi ka deklaruar:
"Pas periudhës që kalova në shqipëri, e kisha vendosur prej kohësh të kthehesha në Vjenë, sepse kam edhe shtëpinë këtu. Fëmijët vazhdonin kopeshtin, erdhi koha të sakrifikoja për famijen dhe jo për veten. Është patjetër një zgjedhje familjare dhe duke qenë se jam në fundin e karrierës, nuk ia vlen të shkoja diku tjetër. Në këtë moshë, duhet të kesh shumë motivim për tu stërvitur dhe për të qenë në 100 për qind. Për të luajtur te Rapidi apo Austria e Vjenës ishte e vështirë për të luajtur, prej vetë moshës. Por, ky ekip në kategorinë e dytë austriake ishte zgjedhja më e mirë", ka përfunduar ai.
Lexo gjithashtu
