6 Prill 1991! Si sot 32 vite më parë, në stadiumin “Artemio Franchi” të Firenzes luhej ndeshja mes Fiorentinës dhe Juventusit, ku miqtë janë ndër rivalët më të urryer të vendasve. Mes titullarëve të Juventusit ndodhet edhe Roberto Baggio, i transferuar vetëm një vit më parë pikërisht nga vjollcët për 8 milion paund, shifër rekord në atë kohë.
Tifozët vendas kishin krijuar një koreografi spektakolare në mbështetje të ekipit të tyre të zemrës, por ato që dëgjoheshin më shumë ishin koret ofenduese pikërisht në drejtim të “Bishtalecit Hyjnor”, me tifozët që ndjeheshin të tradhtuar nga njeriu që e kishin patur idhull për 5 vite.
Në atë ndeshje do të ndodhte gjithçka. Në minutën e 50-të Roberto Baggio do të fitonte një penallti, por do të refuzonte ta godiste, duke ia lënë përgjegjësinë De Agostinit, me këtë të fundit që nuk arriti ta kthente në gol. Minuta e 64-t do të shënonte një ngjarje të paharrueshme jo vetëm për tifozët në stadium, por për të gjithë futbollin Italian. Trajneri i Juventusit vendos ta zëvendësojë Baggion, me bishtalecin që ecën i trishtuar dhe me kokën ulur, i shoqëruar nga fishkëllimat dhe ofendimet e tifozëve vendas.
Madje njëri prej tyre e godet edhe me një shall të Fiorentinës. Baggio nuk reagon, por e merr shallin me vete dhe shkon të ulet drejt pankinës. Heshtje! Ofendimet shuhen si me magji, teksa nga tribuna dëgjohet një duartrokitje. Pastaj një tjetër, një tjetër e kështu me radhë, derisa i gjithë stadium ngrihet në këmbë dhe i jep një “Standing ovation” Bishtalecit Hyjnor, Roberto Baggios, njeriut që kishte klas në çdo gjë që bënte.
Video:
Lexo gjithashtu
