Kampionati i Kosovës mund të luhet me 10 skuadra nga sezoni 2020/2021. Vetë presidenti i Federatës së Kosovës Agim Ademi do të propozojë formatin e ri të kampionatit. Lajmin e bën me dije “Indeksonline”, e cila thekson se në mbledhjen e ardhshme do të diskutohet dhe propozimi i kreut të futbollit të Kosovës.
Formula që do të zbatohet bën që katër ekipe të Superligës të zbresin një divizion më poshtë në fund të sezonit 2019/2020 dhe 2 ekipet e vendit të parë të Ligës së Parë të luajnë sezonin pasues në Ipko Superligë. Kujtojmë që ky format zbatohet dhe në kampionatin shqiptar, zviceran etj.