Pep Guardiola ka rinovuar kontratën me Manchester City-n edhe për dy vite të tjera, ndërsa tashmë trajneri katalanas do të qëndrojë në “Etihad Stadium” deri në vitin 2025, teksa do të vazhdojë të drejtojë djemtë e tij për të arritur të tjera suksese ne fanellën e “Qytetarëve”.
“Jam shumë i kënaqur që do të qëndroj te Manchester City edhe për dy vite të tjera. Nuk mund të them mjaftueshëm faleminderit për të gjithë në klub që më besuan. Jam i lumtur dhe rehat këtu. Kam gjithçka që më nevojitet për ta bërë punën time sa më mirë. Unë e di se kapitulli tjetër i këtij klubi do të jetë i mrekullueshëm për dekadën e ardhshme.
Kjo ka ndodhur gjatë dhjetë viteve të fundit, dhe do të ndodhë në dhjetë vitet e ardhshme, sepse ky klub është shumë i qëndrueshëm. Që nga dita e parë ndjeva diçka të veçantë duke qenë këtu. Nuk mund të jem në një vend më të mirë. Unë kam ende ndjenjën se mund të arrijmë më shumë së bashku dhe kjo është arsyeja pse unë dua të qëndroj dhe të vazhdoj të luftoj për trofe”, ka deklaruar tekniku katalanas.
Lexo gjithashtu
