Vetëm 1 vit zgjati aventura e Skënderbeut në Kategorinë e Parë teksa sezonin e ardhshëm do të jetë sërish pjesë e elitës së futbollit shqiptar. Presidenti Takaj ka paralajmëruar një merkato me goditjet e duhura që do ta bëjnë klubin korçarë të mos e diskutojë më mbijetesën.
Ka dhe nga ata lojtarë që dërgojnë sinjale drejt klubit nëpërmjet rrjeteve sociale, i tillë mund të quhet edhe Vangjel Zguro. Lojtari i Bylisit në Superiore ka postuar një foto të tijën kur mbante veshur fanellën e korçarëve.
Zguro luajti me Skënderbeun në sezonin kur ata ranë nga kategoria dhe deri në janar të këtij viti. Më pas palët do të ndanin rrugët me Zguron që pas largimit la të hapur mundësinë e një ribashkimi në të ardhmen: “Ju pres në Superiore”, thonte Zguro pak kohë më parë.
Mbetet të shihet nëse palët do të gjejnë sërish gjuhën e përbashkët me njëri-tjetrin...
[caption id="attachment_692225" align="alignnone" width="599"]
Postimi i Zguros[/caption]
Lexo gjithashtu
