Renaldo Kalari ishte prezent ditën e djeshme në fitoren 2-1 të Partizanit kundër Tiranës. Mbrojtësi i të kuqve u hodh në fushë në pjesën e dytë, megjithatë që në mesin e pjesës së parë trajneri Skënder Gega e nxorri së bashku me Kristin Koten për të bërë nxehmjen muskulare. Fillimisht ai nisi të stërvitej prapa portës së Alban Hoxhës, që përkonte me tribunën e tifozëve bardheblu.
Mëngjërashi u prit me fërshëllima nga ata, por dhe ai vetë s'qëndroi duarkryq. Në një video të publikuar nga newsport.al shihet se si Kalari provokon tifozët e Tiranës, teksa këta të fundit nisin më pas ta qëllojnë me shishe. Të ndodhura në këto kushte, ndërhyn arbitri i katërt që pas një komunikimi me Kridens Metën, urdhëron lojtarët që të dalin nga ana tjetër e fushës. /Newsport.al/
https://streamable.com/s/xji0f/zobvmw?fbclid=IwAR3XdLywdKx50twofVKeLoS2sZXkV_6AGiakVjM7Jt95kjSFq8FlMc4GHQk
Lexo gjithashtu
