Shanset për kualifikim në raundin e tretë të Europa League janë minimale për Laçin teksa pret sot në shtëpi me norvegjezët e Moldes. Takimi i parë përfundoi me shifrat 3-0, ç'ka i redukton mundësitë për të kryer mrekulli.
Por për anësorin e kurbinasve Myrto Uzuni asgjë nuk ka mbaruar. 23-vjeçari beson se kualifikimi nuk është një çmenduri pasi në futboll çdo gjë është pjesë e realitetit. Për të mhafton kualifikimi i Romës ndaj Barcelonës në çerekfinalen e këtij sezoni në Champions League, ku verdhekuqtë përmbysën rezultatin 4-1 të takimit të parë me 3-0 në shtëpi.
"Jemi të barabartë në fushë e lojës, luajmë 11 kundër 11. Në futboll mund të ndodhë çdo gjë. Kemi rastin e freskët nga Roma-Barcelona dhe kjo na jep besim. Normale, çdo lojtar e ka ëndërr të luajë një kampionat jashtë dhe besoj se kjo është vitrina më e mirë që një lojtar të shfaqë talentin dhe forcën e tij", deklaroi futbollisti beratas në konferencën e fundit përpara ndeshjes.
Laçi-Molde do të luhet sot në orën 17:00 në stadiumin e kurbinasve.
Lexo gjithashtu
