Talenti i Shalke 04, Dionis Avdijaj ka rrëfyer përmes një letre emocionuese, por që përmban edhe akuza ndaj drejtuesve të Kombëtares së Shqipërisë, faktin që refuzoi të luante me Gjermaninë, sepse dëshironte vetëm ekipin kuqezi.
Por, sipas tij dëshira e tij nuk u përfill nga askush. Tashmë Adijaj ka zgjedhur të luajë për Kosovën.
"Meqenëse në gjeneratën time isha me i përzgjedhuri, kombëtarja Gjermane për të rinj veç më kishte renditur në listën e më të mirëve, ku për këtë kombëtare unë luajta plot 25 ndeshje, por në fund i prisha raporte me ta, edhe atë krejt për hir të kombëtares Shqiptare, ku doja me çdo kusht të luaja për Shqipërinë time. Merreni me mend, kur në vitin 2014 unë fitova titullin e lojtarit profesionist, e ku ekipe të njohura më me emër botërore më dërgonin ftesa e oferta ndër më të ndryshmet, Shqipëria ime, edhe përkundër interesimit tim që të luaja për këtë kombëtare, heshtte dhe nuk më përfillnin fare", shkruan ndër të tjera në letrën e tij të publikuar në Facebook, Dionis Adijaj.
Lexo gjithashtu
