Endrit Kastrati do të qëndrojë te Burreli. Ky është vendimi i futbollistit i cili aktualisht është lojtar i lirë në treg pasi i skadoi kontrata me matjanët. Kastrati luan në pozitën e mbrojtësit të majtë, por mund të bëjë mjaft mirë edhe qendrën dhe këtë sezon ishte ndër më të mirët duke kontribuar mjaft në sigurimin e mbijetesës së Burrelit.
25-vjeçari nga Kosova ishte një titullar fiks duke shënuar edhe 2 gola gjatë sezonit të rregullt. Në finalen e Play-Out ndaj Pogradecit, ai shkëlqeu duke fituar një 11-metërsh e duke dhënë një asist. Interesi për shërbimet e tij ka qenë shumë i lartë ku dy skuadra nga Superioria dhe thuajse të gjitha ato të Kategorisë së Parë, por edhe nga kampionati kosovar.
Poll
Lexo gjithashtu
