Karriera e tij është drejt fundit, por interesimet e klubeve të tjera vazhdojnë për portierin Gianluigi Buffon, i cili numëron 45 vite mbi shpinë.
Me një vit të mbetur në kontratë me skuadrën e Parmës, gardiani italian ka vendosur të mos vazhdojë më tutje duke planifikuar tërheqjen nga futbolli.
Pavarësisht ofertave nga Arabia Saudite, ish kampioni i botës ka vendosur ti refuzojë ato. Sakaq, vendimi i tij përfundimtar pritet të dalë brenda pak ditësh ku do të mësohet se cfarë pritet të ndodhë me të ardhmen e tij, pasi të varë këpucët në gozhdë.
Kujtojmë që Buffon, përveç Parmës ku e nisi karrierën dhe e përfundoi po aty, ka luajtur gjithashtu me Juventus dhe Paris Saint Germain, ndërsa numëron gjithësej 1151 ndeshje, përfshirë ndeshjet me Kombëtaren.
Lexo gjithashtu
