Presidenti i Tiranës, Refik Halili ka folur dje në mbrëmje në emisionin Pressing edhe për një ngjarje nga sezoni I shkuar, aty ku bardheblutë ngritën titullin kampion për të 25 herë në histori.
I pyetur nga gazetari Gerti Çarçani për një përplasje mes Tefik Osmanit dhe ish-trajnerit Emmanuel Egbo pas ndeshjes në Korçë me Skënderbeun, Halili ka pranuar se një gjë e tillë ka ndodhur, me Osmanin që u fut në lojë vetëm në çastet e fundit të ndeshjes dhe e ka marrë si personale. Halili tha se te Tirana mund të afrohet një lojtar nga Superliga e Meksikës.
"Përplasje mes trajnerit dhe drejtorit? Ju e keni njohur shumë mirë futbollistin Osmani, i cili është një njeri korrekt dhe i saktë. Nuk ka pasur asnjë lloj përplasje, Nevili do të punojë shumë rehat, ja u garantoj këtë.
Janë një, bashkë me Devi Mukën, kanë qëndruar bashkë dhe kanë një marrëdhënie të shkëlqyer. Nevili është i pari i skuadrës, Osmani është drejtori, është i detyruar t'i shkojë skuadrës në mbështetje, ai jep kontributin e vet të jashtëzakonshëm. Mund të afrojmë një lojtar nga Superliga e Meksikës në janar.
Vjet në Korçë përplasje mes ish-trajnerit dhe Osmanit?
Është e vërtetë, kam qenë prezent në dhomat e zhveshjes. Një lodhje e madhe, qëndruan në stol lojtarë si Osmani dhe Karabeci, ndoshta do të jetë bërë padashje, jam i bindur që është pa dashje. Osmani u fut një minutë në lojë, krijoi mërzi dhe e mori personale, sikur gjoja po donin të talleshin me të, por e hijshme nuk ishte", tha Halili.
Lexo gjithashtu
