Real Madrid ka planifikuar që fazën përgatitore ta zhvillojë në SHBA dhe Kanada, ndërsa trajneri Zinedine Zidane ka publikuar listën e 25 lojtarëve që do të marrë me vete në këtë udhëtim. Në përbërje të 25-shes Zinedine Zidane ka përfshirë dhe dy djemtë e tij, Enzo dhe Luca Zidane.
Luca Zidane luan në portë, ndërsa Enzo është mesfushor me tipare sulmuese si i ati. Ndërsa kujtojmë se Modriç, James, Ramos, Kroos, Vasquez e Bale do t’i bashkohen skuadrës disa ditë më vonë për arsye të ndryshme, gjithashtu dhe Ronaldo nuk do të bashkohet me grupin këto ditë, pasi ndodhet me pushime, por njëkohësisht po i nënshtrohet periudhës së rikuperimit.
