Edhe pse Alvaro Morata u kthye te Real Madrid nga Juventus, zërat në media gjithnjë kanë qarkulluar se ai nuk do të qëndrojë gjatë tek kampionët e Europës, por do të shitet sapo të vijë një ofertë e kënaqshme.
Sipas spanjolles “Marca”, madrilenët kanë refuzuar ofertën e parë në drejtim të sulmuesit, edhe pse shifra që është hedhur opshtë duket e pabesueshme. Anglezët e Çelsit kanë paraqitur në tavolinën e Florentino Perez një ofertë prej 60 milion eurosh, por presidenti i Realit e ka refuzuar atë pa asnjë mëdyshje. Ai pretendon të arkëtojë të paktën 75 milion euro nga shitja e sulmuesit të kombëtares spanjolle.
Megjithatë nuk përjashtohet as mundësia që Morata të qëndrojë tek Reali dhe të luftojë për të kapur një vend titullari në formacionin e Zinedin Zidane.
Lexo gjithashtu
