Gennaro Gattuso nuk do të jetë më trajner i skuadrës së Valencias. Ish-trajneir i Milan është shkarkuar nga drejtimi i skuadrës spanjolle për shkak të rezultateve negative të siguruara në kampionat.
Vetëm 7 muaj ka zgjatur aventura e Gatusos në La Liga. Menjëherë pas shkarkimit të tij ka reaguar edhe Samu Castillejo. 28-vjeçari që ka punaur me Gattuson edhe te Milan ka dy fjalë për ish-trajnerin e tij.
“Faleminderit që u kujdese për ne në momentet më të vështira, faleminderit që nuk u fshehe kurrë, edhe pse e dimë se përgjegjësia është e të gjithëve.
Njerëzit që punojnë me ju dhe që ju njohin e dinë se sa pasion dhe dashuri keni vënë në punën tuaj, ti meriton SHUMË! Faleminderit edhe stafit tuaj, njerëz të mrekullueshëm dhe të rrallë në botën e futbollit”, ka theksuar Castillejo.
