Tërmeti që preku Shqipërinë në datën 26 nëntor, ka bërë bashkë shumë klube dhe Federata futbolli nga mbarë Europa. Pas mesazheve solidarizuese, Federata Rumune e futbollit ka bërë hapin e radhës, duke përçuar mesazhe inkurajuese në stadiumet e këtij shteti. Së fundmi, siç tregon Ambasadori I Shqipërisë në Rumani, Ilir Tepelena, lojtarët në ndeshjen Concordia dhe Rapid Bukuresht kanë luajtur me shirit të zi në krah, çka tregon mbështetjen për tragjedinë shqiptare.
Ilir Tepelena, shkruan se ndihet i emocionuar nga ky gjest, duke falenderuar ata që e bënë të mundur. "Sërish i impresionuar dhe plot emocione nga solidariteti Rumun në këto ditë të vështira për popullin Shqiptar. Mirënjohje mikut tim Dan Tudorache, Kryetar i Bashkisë së Sektorit 1 të Bukureshtit, i cili pranoi që të organizonim, së bashku edhe me kolegen e sopranon e mirënjohur Arlinda Morava, këtë ceremoni prekëse në fillim dhe në fund të ndeshjes Concordia Chiajna - Rapid Bukuresht. Ndërkohë që gjatë gjithë ndeshjes futbollistët mbajtën një shirit me flamurin Shqiptar. Falenderim dhe mirënjohje e veçantë për klubin e futbollit Rapid i Bukureshtit".
Lexo gjithashtu
