Vangjel Zguro nuk do të jetë më lojtar i Bylisit. Lajmin e ka konfirmuar vetë futbollisti me një postim në rrjete sociale. Pas ndeshjes së djeshme ku u mposhtën nga Vllaznia, ballshiotët u rikthye në Kategorinë e Parë. Mund të kemi një eksod në ekip me disa lojtarë që janë piketuar nga ekipet e mbetura në Superiore por i pari që hap derën është Zguro.
“Faleminderit Bylis. Qytet i vogël por me zemër të madhe. Respekte nga Vangjel Zguro”, shkruan ai.
[caption id="attachment_694784" align="alignnone" width="439"]
Postimi i Zguros[/caption]
Zguro erdhi në Ballsh në merkaton e janarit dhe zhvilloi 17 ndeshje duke shënuar edhe një gol, atë me penallti ndaj Kukësit, 1 javë më parë. Mbetet të shihet cila do të jetë e ardhmja e tij me 30-vjeçarin që ka dërguar edhe sinjale rikthimi te Skënderbeu pasi korçarët siguruan ngjitjen në Superiore.
Lexo gjithashtu
