Kristal Abazaj bëri një lëvizje të papritur në orët e fundit duke u transferuar te Anderlecht. Sulmuesi i Luftëtarit që ka shënuar 9 gola në këtë sezon ishte blerë në fillim të janarit nga Skënderbeu që e kishte lënë në huazim te gjirokastritët deri në fund të këtij sezoni, por tashmë ai bën lëvizjen e madhe të karrierës së tij.
Por ajo që bie në sy në prezantimin e tij me klubin belg është se 21-vjeçarin e shoqërojnë Haris Fakic dhe Shkumbin Qorrmemeti. Me sa duket këta dy individë kanë ndikuar në transferimin e Abazaj në Belgjikë. Sulmuesi ka ndërruar menaxher duke i besuar karrierën e tij Qorrmemetit pasi më parë menaxhohej nga Elton Marini.
Por është vetë Marini që për Neësport.al sqaron se si qëndron e vërteta. Ai shprehet: "Abazaj është nën menaxhimin tim. Kam kontratë 4-vjeçare më lojtarin dhe gjithçka është bërë me miratimin tim. Kam qenë në dijeni për transferimin dhe kam pasur lidhje të vazhdueshme me ta".
Prania e Shkumbin Qorrmemetit bëri që të gjithë të dyshojnë se mos vallë Abazaj është marrën nën menaxhim nga agjenti i njohur.
Lexo gjithashtu
