PSG raportohet se ka siguruar shërbimet e mbrojtësit 21-vjeçar të Schalke 04, Thilo Kehrer. Sipas mediave gjermane futbollisti i ri që përflitej prej disa kohësh për një kalim të mundshëm te gjigantët e Bayern, ka zgjedhur kështu kampionët e Francës për të vijuar karrierën jashtë Gjermanisë.
Raportohet se parizienët kanë arritur akordin për Kehrer dhe do të paguajnë për kartonin e tij plot 37 milionë euro. Ai konsiderohet si një lojtar mjaft i talentuar dhe sezonin e fundit ishte një titullar i rregullt te ekipi i Bundesligës.
