Ka përfunduar me fitoren minimale të miqve ndeshja mes Skëndërbeut dhe Vllaznisë (0-1), e vlefshme për javën e 15 të Kategorisë Superiore. Një "perlë" e Shtubinës në minutën e 66 i jep tri pikë të arta djemve të Jonuz, që e shohin veten në kuotën e 22 pikëve. Për Skënderbeun kjo është humbja e dytë razhazi, çka komplikon pozitat e klubit në klasifikim. Për mikrofonin e SuperSport ka folur trajneri i Vllaznisë. Mirsad Jonuz është treguar i kujdesshëm përsa i përket euforisë, duke treguar se rolet e veteranëve në fushë ishin vendimtare.
Fitorja e dytë radhazi, a është Vllaznia kundërshtari për t'u mundur?
Ishte një ndeshje e vështirë sepse Skënderbeu është një ekip i mirë. Fitorja është e rëndësishme. Vllaznia luajti mbyllur sepse Skënderbeu ka një tridhëmbësh të mirë në sulm, ndaj ne ishim të kujdesshëm në mbrojtjë.
Lika dhe Shtubina përpara, si ishte sulmi?
Ne kishim shanset tona në sulm me dyshen përpara, duke qënë lojtarë me eksperiencë. Iu kam thënë djemve se do kishim mundësinë tonë ndaj le të ishim të kujdesshëm në prapavijë. Marku ishte deçiziv për taktikën tonë, sepse dëshiroja të mbyllja Bregun ndaj bërë një zgjedhje të tillë që lojtari të lëvizte në pozicion të ndryshëm. Është një lojtar i zgjuar. Edhe Gligotov ka shumë kualitet dhe në këtë ndeshje u ndryshuan pozicionet.
Vllaznia vuan presionin brenda fushe, është ky një problem?
Po, është një problem psikologjik për lojtarët. Shumë nga ata që unë drejtoj vijnë nga një kategori më poshtë duke e vuajtur këtë fakt. Për mua nuk ka rëndësi nëse marr më shumë pikë në shtëpi apo transfertë, vetëm pikët më duhen.
Lexo gjithashtu
