Kosova ditën e sotme do të zbresë në fushë për të sfiduar Bjellorusinë, takim që do të luhet në “Fadil Vokrri” duke nisur që nga ora 20:45. “Dardanët” do të kërkojnë fitoren për t ëmbyllur këto kualifikuese me 3 pikët, por që nuk do t’u bënin punë për kualifikimin për në Euro 2024.
Stoli i Primozh Glihas është i “lëkundur” pas paraqitjes së skuadrën në këto eleminatore dhe tashmë në Kosovë ka nisur të flitet për zëvendësuesit e mundshëm. Dhe pikërisht sipas mediave kosovare bëhet me dije se një emër i njohur del në skenë. Fjala është për trajnerin e skuadrës së femrave të Kroacisë, Nenad Graçan
“Nenad Graçan pritet të emrohet trajner i Kosovës, ai aktualisht është trajner i Kombëtares së Kroacisë për femra.
Më parë, Graçan ka shërbyer si trajner i kombëtares kroate U-21 për gjashtë vite me radhë, duke kualifikuar në kampionat evropian të rit”, thuhet në postimin e Futbolli Kosovar në “Facebook”.
Lexo gjithashtu
