Të luash baste është një mënyrë argëtimi, por edhe shpresëdhënëse për të fituar disa të holla "qyl".
Në fakt jo edhe aq "qyl" kur mendon se rreziku për të humbur shuma marramendëse është prezent, madje akoma më keq kur kthehet në ves.
Gjithsesi, ideja e artikullit që po ju paraqesim nuk është një mënyrë për të bërë moral, por një përmbledhje e disa prej precedentëve të basteve sportive më të çuditshëm nëpër botë, që nga hedhja në "shans" e bashkëshortes, te lënia e shtëpisë, kafshimi i Suarezit ndaj Kielinit që u kuotua në baste në Botërorin "Brazil 2014" e deri te episodi kur portieri i Sutton United hëngri byrek në stolin e rezervave gjatë ndeshjes kundër Arsenalit e më pas u akuza se kishte vendosur në bast një gjë të tillë.
*1-Një fans i "çmendur" i Liverpool, në 2006 ka luajtur një bast totalisht ekstrem. Kishte 26 vjet si fans i Liverpool dhe ndeshjet e fundit kishte vënë re që Xabi Alonso po tentonte të shënonte nga mesi i fushës. Bastexhiu, vendosi të luajë në skedinë që Alonso do të shënonte një gol të tillë që nga mesi i fushës gjatë gjithë sezonit. Është e pabesueshme që ky gol nuk vonoi shumë duke i mbushur mirë xhepat e fansit me plot 25.000 paund ose 44.000 dollarë, raporton newsport.al.
https://www.youtube.com/watch?v=YFAphR0JonM
*2- Fansi i Arsenalit ka humbur shtëpinë pas një basti të luajtur në të cilin, topçinjtë do të mundnin Manchester United në transfertë.
Në vitin 2013, Henry Dhabasani, i cili kishte 3 gra dhe 5 fëmijë, ka vënë bast me një shokun e tij që skuadra e Arsenalit do t'i mundi kampionët e Premier Ligës.
Por e çuditshme është ajo që u luajt në bast, Dhabasani vuri shtëpinë bast ndërsa shoku i tij rrezikoi goxha duke vënë bast makinën e tij Toyta plus bashkëshorten për një fitore të "djajve të kuq".
Në fund ai që mbeti pa shtëpi dhe pa grua ishte Henry Dhasabani, pasi Arsenali humbi duke i kushtuar atij shtëpinë dhe divorcin nga gratë.
*3- Basti i radhës me plot gojën mund të quhet çmenduri e vërtetë. Një shtetas norvegjez, parashikoi që uruguaiani Luis Suarez do të kafshonte sërish në botërorin "Brazil 2014". Siç edhe e kemi parë, Suarez kafshoi mbrojtësin italian Giorgio Chiellini. Kjo i kushtoi rëndë sulmuesit pasi u dënua me disa ndeshje pezullim, por nga ana tjetër fansi fitoi një shumë diku te 2500 euro.
https://www.youtube.com/watch?v=S0kJlCjgQ4g
*4- Rasti i fundit është basti i luajtur që portieri i Sutton United do të hante byrekë gjatë pushimit të ndeshjes. Është diçka që askush nuk mund ta parashikonte, por nga kompanitë e basteve doli që ishte luajtur një bast i tillë. Ky lajm ishte i bujshëm në media disa ditë më parë dhe ka mbetur të verifikohet nëse këtë bast e ka luajtur vetë portieri apo është ndonjë rastësi./Erald TANUSHI/NEWSPORT.AL
https://www.youtube.com/watch?v=3VWauT0qNtY
Lexo gjithashtu
