Çmenduritë e tifozëve për futbollistët e tyre të zemrës shpesh arrin në disa veprime mjaft interesante si kjo e 14-vjeçarit shqiptar, Simon Cena dhe berberit Joti Bocerri. Artisti i flokëve ka bërë portretin e kampionit të botës leo Messi në kokën e djaloshit.
I ftuar në ABC e Mëngjesit, Joti tregon se ky nuk është portreti i parë që ai bën teksa zbulon se ka marrë kërkesa të shumta për politikanë si Basha e Rama, futbollsitët Ronaldo, Benzema e Mbappe por edhe aktorë të filmave për të rritur si Mia Khalifa për një çmim që shkon deri në 100 euro.
“Me makinat qethëse, me briskun dhe kur është floku i shkurtër me pak laps. I bëj për rreth një orë. Kam bërë Ronaldon, Benzeman, Mbape. Këta dy të fundit mi kanë kërkuar shumë. Këto janë edhe portrete që bëhen më shumë me nxjerr videon se maksimumi një ose dy ditë qendrojnë, se floku rritet. Unë kam studiuar në mënyrën time, nuk është se kam bërë një shkollë.
Ka pasur shumë kërkesa të çuditshme, ka pasur kërkesa funny si aktorët e filmave për të rritur, si Mia Khalifa. Kushton 100 euro se ka punë, plus do kohë. Kam bërë Taynën, Edi Ramën, Lulzim Bashën apo Ismail Qemalin”, tha ndër të tjera Joti
Lexo gjithashtu
