Ivan Fushtar është larguar ditën e djeshme drejt Kroacisë pas përfundimit të javës së 16-të të kampionatit. Por nuk mjafton me kaq. U mendua se do të largohej për pak ditë pushime për tu rikthyer sërish te Kamza por së fundmi mësohet se kjo gjë nuk do të ndodhë.
Fushtar mësohet se ka arritur një marrëveshje me Partizanin dhe pas rikthimit nga Kroacia pritet të vihet nën urdhrat e trajnerit Sulejman Starova. Të kuqtë kanë rënë dakord për t'i paguar Kamzës shifrën prej 40 mijë eurosh në këmbim të lojtarit, detaj ky i cili pak ditë më parë është hedhur poshtë nga drejtuesit e klubit të Partizanit, të cilët mohuan këtë gjë nëpërmjet një njoftimi zyrtar.
Një nga arsyet e forta pse Fushtar ka vendosur të largohet nga Kamza ka të bëjë me fakti se nuk shkonte mirë me fubollistin tjetër të ekipit, Bruno Arrabel. Pas debatit që patën në Gjirokastër marrëdhënia mes tyre nuk është zbutur, çka ka çuar në marrjen e këtij vendim nga ana e 28-vjeçarit që shumë shpejt do veshë fanelën e kuqe të Partizanit.
[gallery columns="1" size="full" ids="185361"]
Lexo gjithashtu
