Rezultatet e dy makinave Ferrari në garën e madhe të Meksikës kanë lënë shije të hidhur te drejtuesit e "Kokëkuqes" italiane. Vettel arriti i dyti vijën e finishit, ndërsa Leclerc u rendit në vendin e katërt.
Për këtë garë, ka folur piloti gjerman i cili ka deklaruar se gomat e forta i dhanë rendiment më të lartë makinës së tij. Ai u shpreh se gara kishte qenë shumë e fortë, por i bën thirrje shokut të skuadrës të japin maksimumin për të mbajtur distancën ndaj Mercedesit.
"Ishte një garë me shumë intensitet dhe të paktën arrita të mbaja pas Bottas, por ishte e vështirë të kapja Hamilton edhe pse pilotova në maksimum. Kjo ndodhi pasi strategjia nuk ishte ajo e duhura. Duhet të ruajmë këtë avantazh që kemi me Mercedes, pasi jemi më të shpejtë", ka deklaruar ai.
Lexo gjithashtu
