"Konte ka transformuar Çelsin. Tani jemi një ekip fitues". Ai që i thotë këto fjalë është Pedro Rodriguez, sulmuesi spanjoll që "ngre në qiell" trajnerin italian të londinezëve.
Sipas ish-lojtarit të Barcelonës, Konte është "çelësi" i suksesit te blutë e Londrës, të cilët në Premier Ligë kanë regjistruar 11 fitore radhazi.
"Konte ka besim te të gjithë lojtarët që ka në ekip. E bën çdo futbollist të ndihet i rëndësishëm për skuadrën.
Impakti i tij në ekip është i pabesueshëm. Po ju jap vetëm një fakt që ta besoni se kam të drejtë në këto që po them: Gjatë sezonit të kaluar, pikërisht në vigjilje të Krishtlindjeve ishim tre pikë larg rënies nga kategoria. Por, këtë sezon jemi të parët në Premier Ligë.
Unë kam punuar me shumë trajnerë të mirë gjatë karrierës sime si futbollist, por si Konte jo, kurrë më parë, sepse ai arriti të transformonte Çelsin në 'makineri fituese" në vetëm pak kohë", është shprehur Pedro në një intervistë për "Telegraph".
Lexo gjithashtu
